ஆன்மீகசபை நிர்வாக உறுப்பினர் தேர்தல் 18-25.04.2021

எமது அன்பான உறவுகளே! 

 எதிர்வரும் ஏப்பிரல் மாதம் 18ம் திகதி முதல் 25ம் திகதி வரையில் இடம்பெறவுள்ள தமிழ்க் கத்தோலிக்க ஆன்மீகசபைக்கான தேர்தலில் தோற்றவுள்ள வேட்பாளர்கள் அனைவருடனான  நேர்காணல்கள் அனைத்தும் நிறைவடைந்துள்ளன என்ற மகிழ்வான செய்தியை உங்களோடு பகிர்ந்து கொள்கிறோம்.

யாப்பு விதிகளுக்கு அமைய மிக விரைவில் வேட்பாளர்களின் விபரங்கள் நிழற்படத்தோடு தமிழ்க் கத்தோலிக்க ஆன்மீகசபை இணையத்தளத்தில் தரவேற்றம் செய்யப்படும், எனவே நீங்கள் விரும்பும் வேட்பாளர்கள் நால்வரைத் தெரிவு செய்ய போதுமான கால அவகாசம் வழங்கப்படும் என்பதை உறுதிப்படுத்துகிறோம்.

தேர்தலில் வாக்களிக்க நான்கு முக்கிய விடயங்களை கவனத்திற் கொள்ளவும் அவையாவன:

1. 2020ம் ஆண்டிற்கான தமிழ்க் கத்தோலிக்க ஆன்மீகசபை உறுப்பினர் நிதிப்பங்களிப்பைச் செலுத்தியிருந்தல் வேண்டும்.
2. நிதிப்பங்களிப்பைச் செலுத்தியிருந்தாலும் உறுதிப்பூசுதல் எனும் தேவதிரவிய அனுமானத்தைப் பெற்றவர் மட்டுமே வாக்களிக்கலாம்.
3. மேற்கூறியவற்றோடு 16 வயதிற்கு மேற்பட்ட ஆன்மீகசபை உறுப்பினர் வாக்களிக்க உரிமையுள்ளவராகக் கருதப்படுவர்.
4. இவற்றோடு எம்மால் அனுப்பப்பட்ட  விண்ணப்பப் படிவத்தை நிரப்பி அனுப்புவர்களுக்கு மட்டுமே வாக்களிப்பதற்கான இணைப்பு (Iink) மின்னஞ்சல் மூலம் அனுப்பப்படும்.